masala ye hai us ke gaanv ko — Javed Mehdi

aa bhi jaae havaa kaa jhonkaa gar
sab diye to bujhaa nahin jaataa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

safar mein aise kai marhale bhi aate hain
har ek moD pe kuchh log chhuT jaate hain

ek muddat se tiri diid ki pyaasi aankhein
raah takte hue binaai ganvaa baiThi hain