Shahid Zaki

"main badalte hue halat men Dhal jaata huun dekhne vaale adakar samajhte hain mujhe"

"main aap apni maut ki tayyariyon men huun mere khilaf aap ki sazish fuzul hai"

"raushni banTta huun sarhadon ke paar bhi main ham-vatan is liye ghaddar samajhte hain mujhe"

"yaar bhi raah ki divar samajhte hain mujhe main samajhta tha mire yaar samajhte hain mujhe"

"main to khud bikne ko bazar men aaya hua huun aur dukan-dar kharidar samajhte hain mujhe"

"bin mange mil raha ho to khvahish fuzul hai suraj se raushni ki guzarish fuzul hai"

main badalte hue haalaat mein Dhal jaataa huun
dekhne vaale adaakaar samajhte hain mujhe

bin maange mil rahaa ho to khvaahish fuzul hai
suraj se raushni ki guzaarish fuzul hai

phalon ke saath kahin ghonsle na gir jaaein
khayaal rakhtaa huun patthar uchhaaltaa huaa main

laashon mein ek laash miri bhi na ho kahin
taktaa huun ek ek ko chaadar uThaa ke main

abhi to pahle paron kaa bhi qarz hai mujh par
jhijak rahaa huun nae par nikaaltaa huaa main

main sar-ba-sajda sakun mein nahin safar mein huun
jabin pe daagh nahin aabla banaa huaa hai