ik nayaa zakhm milaa ek nai umr mili — Kaif Bhopali

chaahtaa huun phunk duun is shahr ko
shahr mein in kaa bhi ghar hai kyaa karun

— Kaif Bhopali

kaise maanein ki unhein bhuul gayaa tu ai 'kaif'
un ke khat aaj hamein tere sirhaane se mile

— Kaif Bhopali

mai-kasho aage baDho tishna-labo aage baDho
apnaa haq maangaa nahin jaataa hai chhinaa jaae hai

— Kaif Bhopali

ham na piyeinge bhiik ki saaqi
le ye tiraa paimaana paDaa hai

— Kaif Bhopali

kyaa koi mohabbat mein yuun bhi benaam-o-nishaan ho jaataa hai
main huun ki abhi tak zinda huun duniyaa hai ki bhuli jaati hai

— Kaif Bhopali

mat dekh ki phirtaa huun tire hijr mein zinda
ye puchh ki jiine mein maza hai ki nahin hai

— Kaif Bhopali

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal