muddat se mohabbat ke safar mein huun 'karaamat' — Karamat Bukhari

zaruri to nahin ik fasl-e-gul ho
junun ke aur bhi mausam bahut hain

— Karamat Bukhari

har soch mein sangin fazaaon kaa fasaana
har fikr mein shaamil huaa tahrir kaa maatam

— Karamat Bukhari

aah to ab bhi dil se uThti hai
lekin us mein asar nahin hotaa

— Karamat Bukhari

parvaaz mein thaa amn kaa maasum parinda
sunte hain ki be-chaara shajar tak nahin pahunchaa

— Karamat Bukhari

ek nazar mein us ne har ik dil ko jiit liyaa
ek nazar mein us ke ho gae jaane kitne log

— Karamat Bukhari

main ki tere dhyaan mein gum thaa
duniyaa mujh ko DhunDh rahi thi

— Karamat Bukhari

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh