zaruri to nahin ik fasl-e-gul ho — Karamat Bukhari

har soch mein sangin fazaaon kaa fasaana
har fikr mein shaamil huaa tahrir kaa maatam

aah to ab bhi dil se uThti hai
lekin us mein asar nahin hotaa

parvaaz mein thaa amn kaa maasum parinda
sunte hain ki be-chaara shajar tak nahin pahunchaa

ek nazar mein us ne har ik dil ko jiit liyaa
ek nazar mein us ke ho gae jaane kitne log

main ki tere dhyaan mein gum thaa
duniyaa mujh ko DhunDh rahi thi

muddat se mohabbat ke safar mein huun 'karaamat'
lekin abhi chaahat ke nagar tak nahin pahunchaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

baad-e-bahaar mein sab aatish junun ki hai
har saal aavati hai garmi mein fasl-e-holi

chaman kaa shahr fasl-e-gul mein jab aabaad thaa 'uzlat'
sabaa ke rang mein gul-gasht kar hazz-e-junun paayaa