aisaa ho zindagi mein koi khvaab hi na ho — Khaleel Mamoon

hazaaron chaand sitaare chamak gae hote
kabhi nazar jo tiri maail-e-karam hoti

— Khaleel Mamoon

meri tarah se ye bhi sataayaa huaa hai kyaa
kyuun itne daagh dikhte hain mahtaab mein abhi

— Khaleel Mamoon

sab log hamein ek nazar aate hain
andaaza nahin hotaa hai ab chehron kaa

— Khaleel Mamoon

tum nahin aaoge khabar hai hamein
phir bhi ham intizaar kar leinge

— Khaleel Mamoon

lafzon kaa khazaana bhi kabhi kaam na aae
baiThe rahein likhne ko tiraa naam na aae

— Khaleel Mamoon

vo buraai sab se meri kar rahe hain
kyuun nahin karte bayaan achchhaaiyon ko

— Khaleel Mamoon

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar