ghazal kahtaa hai DaT ke masnavi bil-azm kahtaa hai — Khalid Irfan

kaisaa ajiib aayaa hai is saal kaa bajaT
murghi kaa jo bajaT hai vahi daal kaa bajaT

— Khalid Irfan

jo tum parfum mein Dupki lagaa kar roz aati ho
fazaa tum se moattar hai havaa mein kuchh nahin rakkhaa

— Khalid Irfan

jo lughat ko toD-maroD de jo ghazal ko nasr se joD de
main vo bad-mazaaq-e-sukhan nahin vo jadidiyaa koi aur hai

— Khalid Irfan

election phir vo zil-hijj ke mahine mein karaaeinge
to kyaa do daant ke voter ki phir qurbaaniyaan hongi

— Khalid Irfan

main ne bas itnaa hi likhaa i-love-you aur phir
us ne aage kar diyaa thaa gaal internet par

— Khalid Irfan

do chaar din se meri samaaat block thi
tum ne ghazal paDhi to miraa kaan khul gayaa

— Khalid Irfan

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi