main ne bas itnaa hi likhaa i-love-you aur phir — Khalid Irfan

kaisaa ajiib aayaa hai is saal kaa bajaT
murghi kaa jo bajaT hai vahi daal kaa bajaT

jo tum parfum mein Dupki lagaa kar roz aati ho
fazaa tum se moattar hai havaa mein kuchh nahin rakkhaa

jo lughat ko toD-maroD de jo ghazal ko nasr se joD de
main vo bad-mazaaq-e-sukhan nahin vo jadidiyaa koi aur hai

election phir vo zil-hijj ke mahine mein karaaeinge
to kyaa do daant ke voter ki phir qurbaaniyaan hongi

na hon paise to istiqbaaliyon se kuchh nahin hogaa
kisi shaaer ko khaali taaliyon se kuchh nahin hogaa

do chaar din se meri samaaat block thi
tum ne ghazal paDhi to miraa kaan khul gayaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik ishq kaa gham aafat aur us pe ye dil aafat
yaa gham na diyaa hotaa yaa dil na diyaa hotaa

kahin raanjhaa, kahin majnun huaa
vajud-e-ishq aalamgir hai

shama-ruon ki mohabbat kaa jo dam bharte hain
ek muddat vo abhi baiat-e-parvaana karein

hai shaikh-o-barahman ke diin ki had dair-o-kaaba tak
savaad-e-din-e-ishq-e-be-gharaz kaun-o-makaan tak hai