mujhe shak hai hone na hone pe 'khaalid' — Khalid Mubashshir

kahin raanjhaa, kahin majnun huaa
vajud-e-ishq aalamgir hai

— Khalid Mubashshir

dasht-e-junun se aa gae shahr-e-khirad mein ham
dil ko magar ye saaneha achchhaa nahin lagaa

— Khalid Mubashshir

Tapak ke dida-e-nam se sadaaein detaa hai
jo ek harf-e-tamannaa dil-e-tabaah mein thaa

— Khalid Mubashshir

miri vahshaton kaa sabab kaun samjhe
ki main gum-shuda qaafila chaahtaa huun

— Khalid Mubashshir

anaasir ki ghani zanjir hai
so ye hasti ki ik taabir hai

— Khalid Mubashshir

tumhaari yaad kaa marham banaam-e-dil kar duun
tamaam hijr ke zakhmon ko mundamil kar duun

— Khalid Mubashshir

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi