chale aate hain be-mausam ki baarish ki tarah aansu — Khalida Uzma

ki mire baa'd qatl se tauba
aakhiri tiir thaa kamaan mein kyaa

— Khalida Uzma

idhar udhar ke sunaae hazaar afsaane
dilon ki baat sunaane kaa hausla na huaa

— Khalida Uzma

ziist aur maut kaa aakhir ye fasaana kyaa hai
umr kyuun hasb-e-zarurat nahin di jaa sakti

— Khalida Uzma

basi hai sukhe gulaabon ki baat saanson mein
koi khayaal kisi yaad ke hisaar mein hai

— Khalida Uzma

haqiqatein to aTal hain badal nahin saktin
magar kisi ki tasalli se hausla huaa hai

— Khalida Uzma

vo tapish hai ki jal uThe saae
dhuup rakkhi thi saaebaan mein kyaa

— Khalida Uzma

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi