ki hai sargoshi sar-e-shaam mire dil ne phir — Khan Rizwan

tark-e-taalluqaat mein mahjur to hue
lekin khayaal-o-khvaab mein vo ru-ba-ru rahe

— Khan Rizwan

ye khadd-o-khaal ye gesu ye surat-e-zebaa
sabhi kaa husn hai apni jagah magar aankhein

— Khan Rizwan

ham to apne qad ke baraabar bhi na hue
log na jaane kaise khudaa ho jaate hain

— Khan Rizwan

umr-e-rafta jaa kisi divaar ke saae mein baiTh
be-sabab ki khvaahishein hain aur ghar ki justuju

— Khan Rizwan

kaun guzraa hai ye aandhiyon ki tarah
shama-e-raah-e-vafaa ko bujhaate hue

— Khan Rizwan

vo chaahtaa hai ki ham us ki dastaras mein rahein
kisi kaa ho ke rahein ye use gavaaraa nahin

— Khan Rizwan

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli