yaad-e-maazi ki pur-asraar hasin galiyon mein — Khurshid Ahmad Jami

baDe dilchasp vaade the baDe rangin dhoke the
gulon ki aarzu mein zindagi shole uThaa laai

— Khurshid Ahmad Jami

pahchaan bhi saki na miri zindagi mujhe
itni ravaa-ravi mein kahin saamnaa huaa

— Khurshid Ahmad Jami

zindagaani ke hasin shahr mein aa kar 'jaami'
zindagaani se kahin haath milaae bhi nahin

— Khurshid Ahmad Jami

koi halchal hai na aahaT na sadaa hai koi
dil ki dahliz pe chup-chaap khaDaa hai koi

— Khurshid Ahmad Jami

sahar ke saath chale raushni ke saath chale
tamaam umr kisi ajnabi ke saath chale

— Khurshid Ahmad Jami

chamakte khvaab milte hain mahakte pyaar milte hain
tumhaare shahr mein kitne hasin aazaar milte hain

— Khurshid Ahmad Jami

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

yaad rakhnaa bhi ik ibaadat hai
kyuun na ham un kaa haafiza ho jaaein

— Ashhad Bilal Ibn