ashk-e-hasrat hai aaj tufaan-khez — Kishan Kumaar Waqaar

aatishin husn kyuun dikhaate ho
dil hai aashiq kaa koh-e-tur nahin

— Kishan Kumaar Waqaar

ukhDi baaton se us ki saabit hai
kuchh na kuchh aaj ghair jaD ke uThaa

— Kishan Kumaar Waqaar

tumhaare ishq-e-abru mein hilaal-e-id ki surat
hazaaron ungliyaan uTThin jidhar se ho ke ham nikle

— Kishan Kumaar Waqaar

chhuptaa nahin hai dil mein kabhi raaz ishq kaa
ye aag vo hai jis ko nahin taab sang mein

— Kishan Kumaar Waqaar

bahut dinon se huun aamad kaa apni chashm-ba-raah
tumhaaraa le gayaa ai yaar intizaar kahaan

— Kishan Kumaar Waqaar

haath pistaan pe ghair kaa pahunchaa
aap bhi ab hue anaar-farosh

— Kishan Kumaar Waqaar

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki