ab sirf libaas rah gayaa hai — Kishwar Naheed

hamein dekho hamaare paas baiTho ham se kuchh sikho
hamin ne pyaar maangaa thaa hamin ne daagh paae hain

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

kuchh din to malaal us kaa haq thaa
bichhDaa to khayaal us kaa haq thaa

apni be-chehragi chhupaane ko
aaine ko idhar udhar rakkhaa

dil ko bhi gham kaa saliqa na thaa pahle pahle
us ko bhi bhulnaa achchhaa lagaa pahle pahle

us ko fursat bhi nahin mujh ko tamannaa bhi nahin
phir khalish kyaa hai ki rah rah ke vafaa DhunDhti hai