pusht par qaatil kaa khanjar saamne andhaa kuaan — Krishn Adeeb

dhimaa dhimaa dard suhaanaa ham ko achchhaa lagtaa thaa
dukhte ji ko aur dukhaanaa ham ko achchhaa lagtaa thaa

show-case mein rakkhaa huaa aurat kaa jo but hai
gungaa hi sahi phir bhi dil-aavez bahut hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us musaafir ki naqaahat kaa Thikaana kyaa hai
sang-e-manzil jise divaar nazar aane lage

der tak mil ke rote rahe raah mein
un se baDhtaa huaa faaslaa aur main