usi ki tarah mujhe saaraa zamaanaa chaahe — Kumar Vishwas

jism chaadar saa bichh gayaa hogaa
ruuh silvaT haTaa rahi hogi

— Kumar Vishwas

apne hi aap se is tarah hue hain rukhsat
saans ko chhoD diyaa jis samt bhi jaanaa chaahe

— Kumar Vishwas

dil ke tamaam zakhm tiri haan se bhar gae
jitne kaThin the raaste vo sab guzar gae

— Kumar Vishwas

koi divaana kahtaa hai koi paagal samajhtaa hai
magar dharti ki bechaini ko bas baadal samajhtaa hai

— Kumar Vishwas

jab se milaa hai saath mujhe aap kaa huzur
sab khvaab zindagi ke hamaare sanvar gae

— Kumar Vishwas

miraa khayaal tiri chuppion ko aataa hai
tiraa khayaal miri hichkiyon ko aataa hai

— Kumar Vishwas

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

us ko bhi yaad karne ki fursat na thi mujhe
masruf thaa main kuchh bhi na karne ke baavajud

— Zafar Iqbal