phir murattab kiye gae jazbaat — Liaqat Jafri

main dauD dauD ke khud ko pakaD ke laataa huun
tumhaare ishq ne bachchaa banaa diyaa hai mujhe

— Liaqat Jafri

main bahut jald lauT aaungaa
tum miraa intizaar mat karnaa

— Liaqat Jafri

mire qabile mein taalim kaa rivaaj na thaa
mire buzurg magar takhtiyaan banaate the

— Liaqat Jafri

jahaan jo thaa vahin rahnaa thaa us ko
magar ye log hijrat kar rahe hain

— Liaqat Jafri

meri jaanib na baDhnaa ab mohabbat
main ab pahle se mushkil raastaa huun

— Liaqat Jafri

ishq tu ne baDaa nuqsaan kiyaa hai meraa
main to us shakhs se nafrat bhi nahin kar saktaa

— Liaqat Jafri

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr