Love Shayari

hum ko un se wafa ki hai ummeed jo nahin jaante wafa kya hai

patta patta boota boota haal hamara jaane hai jaane na jaane gul hi na jaane, baagh to saara jaane hai

tum hamare kisi tarah na hue warna duniya mein kya nahin hota

ishq Mir ik bhaari patthar hai kab ye tujh naatavaan se uthta hai

Allah bachaye marz-e-ishq se dil ko sunte hain ki ye aariza achha nahin hota

uzr aane mein bhi hai aur bulaate bhi nahin baais-e-tark-e-mulaqat bataate bhi nahin

har ek baat pe kehte ho tum ki tu kya hai tumhi kaho ki ye andaaz-e-guftagu kya hai

asar us ko zara nahin hota ranj raahat-faza nahin hota

yun uthe aah us gali se hum jaise koi jahan se uthta hai

hum aah bhi karte hain to ho jaate hain badnaam wo qatl bhi karte hain to charcha nahin hota

khoob parda hai ki chilman se lage baithe hain saaf chhupte bhi nahin, saamne aate bhi nahin

nikalna khuld se aadam ka sunte aaye hain lekin bahut be-aabru ho kar tere kooche se hum nikle

tum mere paas hote ho goya jab koi doosra nahin hota

aah ko chahiye ik umr asar hone tak kaun jeeta hai teri zulf ke sar hone tak

hum ne maana ki taghaful na karoge lekin khaak ho jayenge hum tum ko khabar hone tak

ishq par zor nahin, hai ye wo aatish 'Ghalib' ki lagaye na lage aur bujhaye na bane

un ke dekhe se jo aa jaati hai munh par raunaq wo samajhte hain ki beemar ka haal achha hai

ishq ne 'Ghalib' nikamma kar diya warna hum bhi aadmi the kaam ke

ye na thi hamari qismat ki visal-e-yaar hota agar aur jeete rehte yahi intezaar hota