Urdu Shayari

Allah bachaye marz-e-ishq se dil ko sunte hain ki ye aariza achha nahin hota

duniya mein hoon, duniya ka talabgaar nahin hoon bazaar se guzra hoon, khareedar nahin hoon

hum aah bhi karte hain to ho jaate hain badnaam wo qatl bhi karte hain to charcha nahin hota

uzr aane mein bhi hai aur bulaate bhi nahin baais-e-tark-e-mulaqat bataate bhi nahin

khoob parda hai ki chilman se lage baithe hain saaf chhupte bhi nahin, saamne aate bhi nahin

tum hamare kisi tarah na hue warna duniya mein kya nahin hota

asar us ko zara nahin hota ranj raahat-faza nahin hota

tum mere paas hote ho goya jab koi doosra nahin hota

duniya ne kis ka raah-e-fana mein diya hai saath tum bhi chale chalo yunhi jab tak chali chale

laayi hayaat aaye, qaza le chali chale apni khushi na aaye na apni khushi chale

ab to ghabra ke ye kehte hain ki mar jayenge mar ke bhi chain na paaya to kidhar jayenge

dil ki veerani ka kya mazkoor hai ye nagar sau martaba loota gaya

ishq Mir ik bhaari patthar hai kab ye tujh naatavaan se uthta hai

yun uthe aah us gali se hum jaise koi jahan se uthta hai

dekh to dil ki jaan se uthta hai ye dhuan sa kahan se uthta hai

patta patta boota boota haal hamara jaane hai jaane na jaane gul hi na jaane, baagh to saara jaane hai

hai Ram ke wujood pe Hindostan ko naaz ahl-e-nazar samajhte hain us ko imam-e-Hind

sach keh doon ae brahman, gar tu bura na maane tere sanam-kadon ke but ho gaye puraane

sabaq phir padh sadaqat ka, adalat ka, shujaat ka liya jayega tujh se kaam duniya ki imamat ka

yaqeen mohkam, amal paiham, mohabbat fateh-e-aalam jihad-e-zindagani mein hain ye mardon ki shamsheeren

hazaron saal nargis apni be-noori pe roti hai badi mushkil se hota hai chaman mein deeda-war paida

ho mera kaam gharibon ki himayat karna dardmandon se zaeefon se mohabbat karna

lab pe aati hai dua ban ke tamanna meri zindagi shama ki soorat ho khudaya meri

mazhab nahin sikhata aapas mein bair rakhna Hindi hain hum, watan hai Hindostan hamara