ye kaDvaa sach hai yaaron muflisi kaa — Mahaveer Uttaranchali

kaash hotaa maza kahaani mein
dil miraa bujh gayaa javaani mein

— Mahaveer Uttaranchali

hai mushkil daur sukhi roTiyaan bhi duur hain ham se
maze se tum kabhi kaaju kabhi kishmish chabaate ho

— Mahaveer Uttaranchali

sirf nuqsaan hotaa hai yaaro
laabh takraar se nahin hotaa

— Mahaveer Uttaranchali

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli