ye dil-navaaz udaasi bhari bhari palkein — Mahboob Khizan

chaahi thi dil ne tujh se vafaa kam bahut hi kam
shaayad isi liye hai gilaa kam bahut hi kam

— Mahboob Khizan

tumhaare vaaste sab kuchh hai mere banda-navaaz
magar ye shart ki pahle pasand aao mujhe

— Mahboob Khizan

ye kyaa kahun ki mujh ko kuchh gunaah bhi aziiz hain
ye kyuun kahun ki zindagi savaab ke liye nahin

— Mahboob Khizan

ulajhte rahne mein kuchh bhi nahin thakan ke sivaa
bahut haqir hain ham tum baDi hai ye duniyaa

— Mahboob Khizan

zakhm bigDe to badan kaaT ke pheink
varna kaanTaa bhi mohabbat se nikaal

— Mahboob Khizan

haae phir fasl-e-bahaar aai 'khizaan'
kabhi marnaa kabhi jiinaa hai muhaal

— Mahboob Khizan

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif