kisi ke ishq mein barbaad honaa — Manish Shukla

aakhir ham ko be-zaari tak le aai
har shai par girvida rahne ki aadat

— Manish Shukla

chand lakirein to is darja gahri thiin
dekhne vaalaa Duub gayaa tasviron mein

— Manish Shukla

kitni ujlat mein miTaa Daalaa gayaa
aag mein sab kuchh jalaa Daalaa gayaa

— Manish Shukla

baat karne kaa hasin taur-tariqa sikhaa
ham ne urdu ke bahaane se saliqa sikhaa

— Manish Shukla

miri aavaargi hi mere hone ki alaamat hai
mujhe phir is safar ke baa'd bhi koi safar denaa

— Manish Shukla

ab apnaa chehra begaana lagtaa hai
ham ko thi sanjida rahne ki aadat

— Manish Shukla

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani