vasl kaa gul na sahi hijr kaa kaanTaa hi sahi — Marghoob Ali

sab mumkin thaa pyaar mohabbat hanste chehre khvaab-nagar
lekin ek anaa ne kitne bhole din barbaad kiye

— Marghoob Ali

main us ko bhuul jaaun raat ye maangi duaa main ne
karun kyaa main agar meri duaa vaapas palaT aae

— Marghoob Ali

hamein to yaad bahut aayaa mausam-e-gul mein
vo surkh phuul saa chehra khilaa huaa ab ke

— Marghoob Ali

raat paDte hi har ik roz ubhar aati hai
kis ke rone ki sadaa zaat ke sannaaTe mein

— Marghoob Ali

bichhaD ke tujh se ajab haal ho gayaa meraa
tamaam shahr paraayaa dikhaai detaa hai

— Marghoob Ali

bhigi miTTi ki mahak pyaas baDhaa deti hai
dard barsaat ki bundon mein basaa kartaa hai

— Marghoob Ali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz