havaa ke saath safar kaa na hausla thaa jise — Marghoob Hasan

yahi bahut hai ki miTTi jaDon se lipTi hai
vagarna aaj darakhton mein barg-o-baar nahin

— Marghoob Hasan

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

'alvi' khvaahish bhi thi baanjh
jazba bhi naa-mard milaa

— Mohammad Alvi

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

— Hasrat Mohani

apne hi fan ki aag mein jalte rahe 'shamim'
honTon pe sab ke hausla-afzaai rah gai

— Farooq Shamim

ye pyaar kaa jazba tire kuchh kaam to aae
meraa nahin bantaa hai to ban aur kisi kaa

— Abdul Wahab Sukhan

vo utar gae the jo paar khud mujhe biich bahr mein chhoD kar
thaa jo un mein itnaa hi hausla mujhe Dubtaa bhi to dekhte

— Najma Khan