jin ke lahu se daaman-e-sahraa hai laala-rang — Masood Akhtar Jamal

na vo rindaan-e-khush-auqaat na vo bazm-e-vafaa
ishrat-e-baada-e-gulfaam kise nazr karun

— Masood Akhtar Jamal

taufiq jin ko maasiyat-e-ishq ki nahin
ai rahmat-e-tamaam gunahgaar vo bhi hain

— Masood Akhtar Jamal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar