kis samt jaa rahaa hai zamaana kahaa na jaae — Mazhar Imam

aap ko mere taaaruf ki zarurat kyaa hai
main vahi huun ki jise aap ne chaahaa thaa kabhi

— Mazhar Imam

ek main ne hi ugaae nahin khvaabon ke gulaab
tu bhi is jurm mein shaamil hai miraa saath na chhoD

— Mazhar Imam

safar mein achaanak sabhi ruk gae
ajab moD apni kahaani mein thaa

— Mazhar Imam

jab ham teraa naam na leinge
vo bhi ek zamaanaa hogaa

— Mazhar Imam

vo meraa jab na ho sakaa to phir yahi sazaa rahe
kisi ko pyaar jab karun vo chhup ke dekhtaa rahe

— Mazhar Imam

doston se mulaaqaat ki shaam hai
ye sazaa kaaT kar apne ghar jaaungaa

— Mazhar Imam

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif