naujavaani ki diid kar liije — Meer Hasan

rakhkhun kahaan main apne pari-zaad ko 'hasan'
shisha jo ek dil kaa mire hai so chuur hai

— Meer Hasan

mat ponchh abru-e-araq-aalud haath se
laazim hai ehtiyaat ki hai aab-daar tegh

— Meer Hasan

taaki ibrat karein aur ghair na dekhein tujh ko
ji mein aataa hai nikalvaaiye do-chaar ki aankh

— Meer Hasan

guzri hai raat mujh mein aur dil mein turfa sohbat
idhar to main ne ki aah udhar se vo karaahaa

— Meer Hasan

mat bakht-e-khufta par mire hans ai raqib tu
hogaa tire nasib bhi ye khvaab dekhnaa

— Meer Hasan

na gharaz mujh ko hai kaafir se na din-daar se kaam
roz-o-shab hai mujhe us kaakul-e-khamdaar se kaam

— Meer Hasan

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

muddaton baa'd kabhi ai nazar aane vaale
iid kaa chaand na dekhaa tiri surat dekhi

— Manzar Lakhnavi

iid par masrur hain donon miyaan biivi bahut
ik kharidaari se pahle ik kharidaari ke baad

— Sarfaraz Shahid

vahaan iid kyaa vahaan diid kyaa
jahaan chaand raat na aai ho

— Shariq Kaifi

iid hai ham ne bhi jaanaa ki na hoti gar iid
mai-farosh aaj dar-e-mai-kada kyuun vaa kartaa

— Syed Yusuf Ali Khan Nazim

iid ke baa'd vo milne ke liye aae hain
iid kaa chaand nazar aane lagaa iid ke baad

— Unknown