parkaar ki ravish phire ham jitne chal sake — Meer Soz

rusvaa huaa kharaab huaa mubtalaa huaa
vo kaun si ghaDi thi ki tujh se judaa huaa

— Meer Soz

jis din se yaar mujh se vo shokh aashnaa huaa
rusvaa huaa kharaab huaa mubtalaa huaa

— Meer Soz

go nahin tanbur Dholak hi uThaa laa mutribaa
ghunchon ke chaTke pe har bulbul ne gaai hai basant

— Meer Soz

jis kaa tujh saa habib hovegaa
kaun us kaa raqib hovegaa

— Meer Soz

sar zaanu pe ho us ke aur jaan nikal jaae
marnaa to musallam hai armaan nikal jaae

— Meer Soz

ahl-e-imaan 'soz' ko kahte hain kaafir ho gayaa
aah yaa rab raaz-e-dil in par bhi zaahir ho gayaa

— Meer Soz

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

bistar-e-khaak pe baiThaa huun na masti hai na hosh
zarre sab saakit-o-saamit hain sitaare khaamosh

— Asghar Gondvi

kai sitaaron ko main jaantaa huun bachpan se
kahin bhi jaaun mire saath saath chalte hain

— Bashir Badr