miraa khun-e-dil yuun bahaa dasht mein — Meerza Jawan Bakht Jahandar

kahein so kis se 'jahaandaar' us ki nazron mein
raqib kaam ke Thahre aur ham hain naa-kaare

— Meerza Jawan Bakht Jahandar

basaan-e-naqsh-e-qadam tere dar se ahl-e-vafaa
uThaate sar nahin hargiz tabaah ke maare

— Meerza Jawan Bakht Jahandar

tire ishq se jab se paale paDe hain
hamein apne jiine ke laale paDe hain

— Meerza Jawan Bakht Jahandar

mujh dil mein hai jo but ki parastish ki aarzu
dekhi nahin vo aaj talak barhaman ke biich

— Meerza Jawan Bakht Jahandar

aakhir gil apni sarf-e-dar-e-mai-kada hui
pahunche vahaan hi khaak jahaan kaa khamir ho

— Meerza Jawan Bakht Jahandar

ki dil ne dil-baraan-e-jahaan ki bahut talaash
kui dil-rubaa milaa hai na dil-khvaah kyaa kare

— Meerza Jawan Bakht Jahandar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri