tire ishq se jab se paale paDe hain — Meerza Jawan Bakht Jahandar

kahein so kis se 'jahaandaar' us ki nazron mein
raqib kaam ke Thahre aur ham hain naa-kaare

basaan-e-naqsh-e-qadam tere dar se ahl-e-vafaa
uThaate sar nahin hargiz tabaah ke maare

mujh dil mein hai jo but ki parastish ki aarzu
dekhi nahin vo aaj talak barhaman ke biich

aakhir gil apni sarf-e-dar-e-mai-kada hui
pahunche vahaan hi khaak jahaan kaa khamir ho

ki dil ne dil-baraan-e-jahaan ki bahut talaash
kui dil-rubaa milaa hai na dil-khvaah kyaa kare

miraa khun-e-dil yuun bahaa dasht mein
ki jangal mein lohu ke thaale paDe

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tumhaaraa naam liyaa thaa kabhi mohabbat se
miThaas us ki abhi tak miri zabaan mein hai

ik baat kahein tum se khafaa to nahin hoge
pahlu mein hamaare dil-e-muztar nahin miltaa

main ne ik baar mohabbat se na dekhaa us ko
jis ne har baar mohabbat se mujhe dekhaa hai

mohabbaton mein to kuchh bhi pataa nahin lagtaa
bahut buraa hai vo phir bhi buraa nahin lagtaa