us ki maghrur havaa tez qadam chalti rahi — Mehshar Afridi

zamin par ghar banaayaa hai magar jannat mein rahte hain
hamaari khush-nasibi hai ki ham bhaarat mein rahte hain

— Mehshar Afridi

'aql aur 'ishq laDte rahe der tak
'aql maari gai 'ishq zinda rahaa

— Mehshar Afridi

vo kuchh ghalat nahin thaa hamin bevaquf the
shishe ko saaf karte rahe is taraf se ham

— Mehshar Afridi

jab tumhaari ye maatami aankhein
muskuraati hain shor thamtaa hai

— Mehshar Afridi

visaal-e-yaar furqaton ki rut badal nahin rahaa
badan qaraar paa gayaa hai dil sanbhal nahin rahaa

— Mehshar Afridi

tumhaare husn ko kab tak varaq varaq paDhte
so ek raat mein puuri kitaab paDh Daali

— Mehshar Afridi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq