paaki-e-daamaan-e-gul ki khaa na ai bulbul qasam — Mirza Ali Lutf

aaj kyaa jaane vo kyuun aaraam-e-jaan aayaa nahin
harf-e-ranjish kal to koi darmiyaan aayaa nahin

— Mirza Ali Lutf

yahi to kufr hai yaaraan-e-be-khudi ke huzur
jo kufr-o-din kaa mire yaar imtiyaaz rahaa

— Mirza Ali Lutf

khul gayaa ab ye ki vasl us kaa khayaal-e-khaam hai
aaj ummidon kaa dil hi dil mein qatl-e-aam hai

— Mirza Ali Lutf

na kar ai 'lutf' naahaq rahravaan-e-dair se hujjat
yahi rasta to khaa kar pher hai kaabe ko jaa niklaa

— Mirza Ali Lutf

kyaa sabab batlaaein hanste hanste baaham ruk gae
khud-bakhud kuchh vo khinche idhar udhar ham ruk gae

— Mirza Ali Lutf

huaa aavaara hindostaan se 'lutf' aage khudaa jaane
deccan ke saanvlon ne maaraa yaa inglan ke goron ne

— Mirza Ali Lutf

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi