Mirza Ali Lutf

yahi to kufr hai yaran-e-be-khudi ke huzur
jo kufr-o-din ka mire yaar imtiyaz raha

baiTh kar masjid men rindon se na itna bigaDiye
shaikh-ji aate ho maikhane ke bhi akasr taraf

paki-e-daman-e-gul ki kha na ai bulbul qasam
raat bhar sarshar-e-kaifiyyat main shabnam se raha

der tak zabt-e-sukhan kal us men aur ham men raha
bol uThe ghabra ke jab akhir ke ta.iin dam ruk ga.e

khul gaya ab ye ki vasl us ka khayal-e-kham hai
aaj ummidon ka dil hi dil men qatl-e-am hai

aaj kya jaane vo kyuun aram-e-jan aaya nahin
harf-e-ranjish kal to koi darmiyan aaya nahin

aaj kyaa jaane vo kyuun aaraam-e-jaan aayaa nahin
harf-e-ranjish kal to koi darmiyaan aayaa nahin

yahi to kufr hai yaaraan-e-be-khudi ke huzur
jo kufr-o-din kaa mire yaar imtiyaaz rahaa

khul gayaa ab ye ki vasl us kaa khayaal-e-khaam hai
aaj ummidon kaa dil hi dil mein qatl-e-aam hai

na kar ai 'lutf' naahaq rahravaan-e-dair se hujjat
yahi rasta to khaa kar pher hai kaabe ko jaa niklaa

kyaa sabab batlaaein hanste hanste baaham ruk gae
khud-bakhud kuchh vo khinche idhar udhar ham ruk gae

huaa aavaara hindostaan se 'lutf' aage khudaa jaane
deccan ke saanvlon ne maaraa yaa inglan ke goron ne