samar kaa chaahnaa hi sirf bejaa hai darakhton se — Mohammad Yasir Mustafvi

udaasi anginat yaadein na jaane kitne bichhDe khvaab
kabhi dekhi hai yaaro tum ne vo aankhein december ki

— Mohammad Yasir Mustafvi

ham se bichhDe hain kai log hamaare apne
ham ne har 'iid pe qurbaan kiyaa hai kuchh kuchh

— Mohammad Yasir Mustafvi

ham to shaa'ir hain hamein vasl ki parvaah nahin
ham tujhe apne khayaalaat mein chhu lete hain

— Mohammad Yasir Mustafvi

khud-kushi karne ko dariyaa ki taraf jaataa huun
aur mil jaataa hai har roz kinaare koi

— Mohammad Yasir Mustafvi

abhi to khuun bahaa hai firaaq mein tere
abhi ye jaan miri jaan ganvaanaa baaqi hai

— Mohammad Yasir Mustafvi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

chaand ne taan li hai chaadar-e-abr
ab vo kapDe badal rahi hogi

— Jaun Elia

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz