allaah ne bakhshi hai mujhe aisi basirat — Moid Rahbar Lakhnavi

dil hi TuuTaa ho kuchh ajab to nahin
ashk aankhon mein be-sabab to nahin

— Moid Rahbar Lakhnavi

zer-e-asar nahin hai kisi rahnumaa ke ham
maalik isi liye hain khud apni razaa ke ham

— Moid Rahbar Lakhnavi

zindagi tu mujhe kis moD pe le aai hai
kyaa koi aur bhi guzraa hai idhar se pahle

— Moid Rahbar Lakhnavi

raho ghar mein ziyaada to safar aavaaz detaa hai
safar mein jab nikal jaao to ghar aavaaz detaa hai

— Moid Rahbar Lakhnavi

jab saamne nazar ke ho ik husn-e-be-panaah
aise mein khud ko hosh mein rakhnaa kamaal hai

— Moid Rahbar Lakhnavi

anjaam-e-hijr kyaa hai ye tum khud hi dekh lo
ham intizaar-e-yaar mein patthar ke ho gae

— Moid Rahbar Lakhnavi

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf