tujhe itnaa to dekhaa bhi nahin hai — M.S Mahawar

mar gai band lifaafe mein mohabbat meri
sirf usi ne na paDhe jis ko paDhaane the khat

— M.S Mahawar

vasl ke din gine hain ungli par
hijr kaa koi bhi hisaab nahin

— M.S Mahawar

chun liyaa hai tumhein miraa mahbub
dusraa koi intikhaab nahin

— M.S Mahawar

kyaa karein bolti in aankhon kaa
haal dil kaa chhupaa nahin sakte

— M.S Mahawar

hijr kaa dukh nahin rahaa hamein ab
hai ye dukh ab koi azaab nahin

— M.S Mahawar

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

— Riyaz Khairabadi

is zindagi mein itni faraaghat kise nasib
itnaa na yaad aa ki tujhe bhuul jaaein ham

— Ahmad Faraz