vaqt-e-ravaa-ravi hai uThe qaafila ke log — Munshi Amirullah Tasleem

kyaa khabar mujh ko khizaan kyaa chiiz hai kaisi bahaar
aankhein kholin aa ke main ne khaana-e-sayyaad mein

— Munshi Amirullah Tasleem

ahd ke baa'd liye bose dahan ke itne
ki lab-e-zud-pashimaan ko mukarne na diyaa

— Munshi Amirullah Tasleem

ham ne paalaa muddaton pahlu mein ham koi nahin
tum ne dekhaa ik nazar se dil tumhaaraa ho gayaa

— Munshi Amirullah Tasleem

subh hoti hai shaam hoti hai
umr yunhi tamaam hoti hai

— Munshi Amirullah Tasleem

aas kyaa ab to umid-e-naa-ummidi bhi nahin
kaun de mujh ko tasalli kaun bahlaae mujhe

— Munshi Amirullah Tasleem

dil-lagi mein hasrat-e-dil kuchh nikal jaati to hai
bose le lete hain ham do-chaar hanste bolte

— Munshi Amirullah Tasleem

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

zindagi zor hai ravaani kaa
kyaa thamegaa bahaav paani kaa

— Abdul Hamid Adam