Munshi Amirullah Tasleem

naseh khata muaaf sunen kya bahar men
ham ikhtiyar men hain na dil ikhtiyar men

ham ne paala muddaton pahlu men ham koi nahin
tum ne dekha ik nazar se dil tumhara ho gaya

kya khabar mujh ko khizan kya chiiz hai kaisi bahar
ankhen kholin aa ke main ne khana-e-sayyad men

ahd ke baa'd liye bose dahan ke itne
ki lab-e-zud-pashiman ko mukarne na diya

kijiye aisa jahan paida jahan koi na ho
zarra-o-akhtar zamin-o-asman koi na ho

dimagh de jo khuda gulshan-e-mohabbat men
har ek gul se tire pairahan ki bu aa.e

kyaa khabar mujh ko khizaan kyaa chiiz hai kaisi bahaar
aankhein kholin aa ke main ne khaana-e-sayyaad mein

ahd ke baa'd liye bose dahan ke itne
ki lab-e-zud-pashimaan ko mukarne na diyaa

ham ne paalaa muddaton pahlu mein ham koi nahin
tum ne dekhaa ik nazar se dil tumhaaraa ho gayaa

subh hoti hai shaam hoti hai
umr yunhi tamaam hoti hai

aas kyaa ab to umid-e-naa-ummidi bhi nahin
kaun de mujh ko tasalli kaun bahlaae mujhe

dil-lagi mein hasrat-e-dil kuchh nikal jaati to hai
bose le lete hain ham do-chaar hanste bolte