taarikiyaan qubul thiin mujh ko tamaam umr — Nafas Ambalvi

sunaa hai vo bhi mire qatl mein mulavvis hai
vo bevafaa hai magar itnaa bevafaa bhi nahin

— Nafas Ambalvi

marne ko mar bhi jaaun koi masala nahin
lekin ye tai to ho ki abhi ji rahaa huun main

— Nafas Ambalvi

use gumaan hai ki meri uDaan kuchh kam hai
mujhe yaqin hai ki ye aasmaan kuchh kam hai

— Nafas Ambalvi

ab un ki khvaab-gaahon mein koi aavaaz mat karnaa
bahut thak-haar kar fōtpath par mazdur soe hain

— Nafas Ambalvi

uThaa laayaa kitaabon se vo ik alfaaz kaa jangal
sunaa hai ab miri khaamoshiyon kaa tarjuma hogaa

— Nafas Ambalvi

tu dariyaa hai to hogaa haan magar itnaa samajh lenaa
tire jaise kai dariyaa miri aankhon mein rahte hain

— Nafas Ambalvi

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri