apnaa baadal talaashne ke liye — Navneet Sharma

kis ne sochaa thaa ki khud se mil kar
apni aavaaz se Dar jaanaa hai

— Navneet Sharma

choT khaae hue lamhon kaa sitam hai ki use
ruuh ke chehre pe dikhte hain muhaanse kitne

— Navneet Sharma

mire qarib koi khvaab kaise aa paataa
ki mujh mein rahte hain barson se ratjage raushan

— Navneet Sharma

phone par baat hui us se to andaaza huaa
apni aavaaz mein bas aaj hi shaamil huaa main

— Navneet Sharma

jiyaa huun umr bhar main bhi akelaa
use bhi kyaa milaa naaraazgi se

— Navneet Sharma

mire andar miraa kuchh bhi nahin bas tu hai baaqi
tire andar bataa pyaare main ab kitnaa bachaa huun

— Navneet Sharma

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri