rone lage to kaun hamein chup karaaegaa — Nivesh Sahu

ye gila hai ki haartaa bhi nahin
biich mein khel chhoD detaa huun

— Nivesh Sahu

kyaa hai ki ham us ko kabhi puure nahin paDte
ham hi nahin kar paate hain bharpaai hamaari

— Nivesh Sahu

nihaayat bhale tajriba-kaar ahl-e-vafaa chun liye hain
hamaari suhulat se ham ne hamaare khudaa chun liye hain

— Nivesh Sahu

zinda rahaa to kaun saa zinda rahungaa main
mar bhi gayaa to kaun saa main mar hi jaaungaa

— Nivesh Sahu

tum ko afsos tumhein Thiik banaayaa na gayaa
aur ik ham ki abhi chaak pe rakkhe na gae

— Nivesh Sahu

agar hotaa to khud ko phir banaataa
magar afsos kuza-gar nahin huun

— Nivesh Sahu

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

chup jo rahte hain to ye baat ghanimat jaano
varna ham log bhi ik hashr uThaa sakte hain

— Masood Tanha

ye jo chupke se aae baiThe hain
laakh fitne uThaae baiThe hain

— Meer Mehdi Majrooh

main khushbuon ke zikr pe khaamosh hi rahaa
haalaanki ek phuul mire haafize mein thaa

— Wasim Nadir

bahut khaamosh rah kar jo sadaaein mujh ko detaa thaa
baDe sundar se jazbon ki qabaaein mujh ko detaa thaa

— Ashir Wakeel Rav