vo ghar se chale raah mein ruk gae — Nooh Narvi

aap jo kahte hain sab hazrat-e-naaseh hai bajaa
kyaa karun zehn se ye lafz utar jaate hain

kambakht kabhi ji se guzarne nahin deti
jiine ki tamannaa mujhe marne nahin deti

satyanaas ho gayaa dil kaa
ishq ne khuub ki ukhaaD-pachhaaD

aaj aaeinge kal aaeinge kal aaeinge aaj aaeinge
muddat se yahi vo kahte hain muddat se yahi ham sunte hain

aate aate raah par vo aaeinge
jaate jaate bad-gumaani jaaegi

kuchh aur ban paDi na savaal-e-visaal par
hairat se dekh kar vo mire munh ko rah gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

husn-e-aaraasta qudrat kaa atiyya hai magar
kyaa miraa ishq-e-jigar-soz khudaa-daad nahin

tiri koshish ham ai dil sai-e-laa-haasil samajhte hain
sar-e-manzil tujhe begaana-e-manzil samajhte hain