ham shaaer-e-hayaat hain ham shaaer-e-hayaat! — Owais Ahmad Dauran

bahti nahin hai mard ki aaankhon se ju-e-ashk
lekin hamein bataao ki ham kis liye hansein

— Owais Ahmad Dauran

ye sehn-e-gulistaan nahin maqtal hai rafiqo!
har shaakh hai talvaar yahaan, jaagte rahnaa

— Owais Ahmad Dauran

un makaanon mein bhi insaan hi rahte honge
raunaqein jin mein nahin aap ki mahfil ki si

— Owais Ahmad Dauran

paivand ki tarah nazar aataa hai bad-numaa
pukhta makaan kachche gharon ke hujum mein

— Owais Ahmad Dauran

shaayad kisi ki yaad kaa mausam phir aa gayaa
pahlu mein dil ki tarah dhaDakne lagi hai shaam

— Owais Ahmad Dauran

kuchh dard ke maare hain kuchh naaz ke hain paale
kuchh log hain ham jaise kuchh log hain tum jaise

— Owais Ahmad Dauran

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar