main surkhiyon mein kahaan se hotaa — Parkash Fikri

yuun to apnon saa kuchh nahin is mein
phir bhi ghairon se vo alag saa hai

larzaan hai kisi khauf se jo shaam kaa chehra
aankhon mein koi khvaab pirone nahin detaa

mujhe to yuun bhi isi raah se guzarnaa thaa
dil-e-tabaah kaa kuchh to ilaaj karnaa thaa

jidhar dekho lahu bikhraa huaa hai
nishaana kaun goli kaa banaa hai

murda paDe the log gharon ki panaah mein
dariyaa vafur-e-ghaiz se biphraa thaa chaar su