khud pe kyaa biit gai itne dinon mein tujh bin — Siddique Mujibi

uThe hain haath to apne karam ki laaj bachaa
vagarna meri duaa kyaa miri talab kyaa hai

— Siddique Mujibi

main vo TuuTaa huaa taaraa jise mahfil na raas aai
main vo shola jo shab bhar aankh ke paani mein rahtaa hai

— Siddique Mujibi

main ne hansne ki aziyyat jhel li royaa nahin
ye saliqa bhi koi aasaan jiine kaa na thaa

— Siddique Mujibi

ek bechain samundar hai mire jism mein qaid
TuuT jaae jo ye divaar to manzar dekhun

— Siddique Mujibi

hamaare naam likhi jaa chuki thi rusvaai
hamein to honaa thaa yuun bhi kharaab chaaron taraf

— Siddique Mujibi

naakhudaa ho ki khudaa dekhte rah jaate hain
kashtiyaan Dubti hain us ke makin Dubte hain

— Siddique Mujibi

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

nai manzil kaa junun tohmat-e-gumraahi hai
paa-shikasta bhi tiri raah mein kahlaayaa huun

— Farigh Bukhari

hausla hai to safinon ke alam lahraao
bahte dariyaa to chaleinge isi raftaar ke saath

— Shahzad Ahmad

vo agar inkaar kar de baat us ki maan lo
“ishq karne ke liye itni to himmat chaahiye”

— Raghvendra Dwivedi

aate hain aane do ye tufaan kyaa le jaaeinge
main to jab Dartaa ki meraa hausla le jaaeinge

— Waseem Barelvi

sakhtiyaan baDh rahin hain aalam ki
hausle muskuraae jaate hain

— Unknown