himmat-e-tark-e-vafaa Duub gai — Abdul Mannan Tarzi

ik qayaamat hai aap kaa vaada
chaliye ye bhi azaab ho jaae

kyaa yahaan dekhiye kyaa vahaan dekhiye
aap hi aap hain ab jahaan dekhiye

khuun jab ashk mein Dhaltaa hai ghazal hoti hai
jab bhi dil rang badaltaa hai ghazal hoti hai

dard kaa silsila hai jahaan tak
dil ki jaagir hogi vahaan tak

teri yaadon ke lamhe bhi bedard the
tujh ko mujh se churaate rahe raat-bhar

lutf-e-sohbat mataa-e-ulfat hai
kuchh kaho aur kuchh suno pyaare

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

tu mohabbat se koi chaal to chal
haar jaane kaa hausla hai mujhe

subut-e-ishq ki ye bhi to ek surat hai
ki jis se pyaar karein us pe tohmatein bhi dharein

jazba-e-be-ikhtiyaar-e-shauq dekhaa chaahiye
sina-e-shamshir se baahar hai dam shamshir kaa

nisyah-o-naqd-e-do-aalam ki haqiqat maalum
le liyaa mujh se miri himmat-e-aali ne mujhe

har ek baat ko chup-chaap kyuun sunaa jaae
kabhi to hausla kar ke nahin kahaa jaae