naala-e-be-saut khud banne lagaa mohr-e-sukut — Qadr Oraizi

jis ko khud apnaa eatibaar na ho
aise insaan kaa eatibaar na kar

— Qadr Oraizi

log tujh ko haqir samjheinge
had se zaaid bhi inkisaar na kar

— Qadr Oraizi

be-rabtiyon ne 'qadr' miTaai jo rabt ki
hai gosht ko bhi apne na ab ustukhvaan se rabt

— Qadr Oraizi

duniyaa ko ham se kaam na duniyaa se ham ko kaam
khaatir se teri rakhte hain saare-jahaan se rabt

— Qadr Oraizi

toDaa nahin jaa saktaa paimaan mohabbat kaa
nuqsaan khud apnaa hai nuqsaan mohabbat kaa

— Qadr Oraizi

kyuun ishq ke jhagDe ko le jaataa hai uqbaa mein
kar khaatma duniyaa mein duniyaa ki musibat kaa

— Qadr Oraizi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar