us ke aangan mein raushni thi magar — Qaisar Shameem

kisi manzil mein bhi haasil na huaa dil ko qaraar
zindagi khvaahish-e-naakaam hi karte guzri

— Qaisar Shameem

mausam 'ajib rahtaa hai dil ke dayaar kaa
aage hain lu ke jhonke bhi ThanDi havaa ke baad

— Qaisar Shameem

sabz mausam se mujhe kyaa lenaa
shaakh se apni judaa huun baabaa

— Qaisar Shameem

meraa mazhab ishq kaa mazhab jis mein koi tafriq nahin
mere halqe mein aate hain 'tulsi' bhi aur 'jaami' bhi

— Qaisar Shameem

saaz se mere ghalat naghmon ki ummid na kar
aag ki aag hai dil mein to dhuaan kyunkar ho

— Qaisar Shameem