sabz mausam se mujhe kyaa lenaa — Qaisar Shameem

kisi manzil mein bhi haasil na huaa dil ko qaraar
zindagi khvaahish-e-naakaam hi karte guzri

us ke aangan mein raushni thi magar
ghar ke andar baDaa andheraa thaa

mausam 'ajib rahtaa hai dil ke dayaar kaa
aage hain lu ke jhonke bhi ThanDi havaa ke baad

meraa mazhab ishq kaa mazhab jis mein koi tafriq nahin
mere halqe mein aate hain 'tulsi' bhi aur 'jaami' bhi

saaz se mere ghalat naghmon ki ummid na kar
aag ki aag hai dil mein to dhuaan kyunkar ho