ye meri tamannaa hai pyaason ke main kaam aauun — Raaz Allahabadi

umr juun juun baDhti hai dil javaan hotaa hai
'raaz' ye hasin ghazlein in safed baalon mein

— Raaz Allahabadi

aashiyaan jal gayaa gulsitaan luT gayaa ham qafas se nikal kar kidhar jaaeinge
itne maanus sayyaad se ho gae ab rihaai milegi to mar jaaeinge

— Raaz Allahabadi

ashk-e-gham le ke aakhir kidhar jaaein ham aansuon ki yahaan koi qimat nahin
aap hi apnaa daaman baDhaa dijiye varna moti zamin par bikhar jaaeinge

— Raaz Allahabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal